Shaqo Runihi Waa Middaan kula Dhimanin - W.Q: Dr. Cali Sheekh

"سبحانك اللهم لا علم لنا إلا ما علمتنا إنك أنت العليم الحكيم"

Dhulkan laguma waaroo,

dhaxsin baad u joogtaa,

Raadkaagu uu dhumin,

wax wanaagsan sii dhaaf,

Dadkaa dhuuxi doono,

dhabahaaga soo mari,

Haddaad dhimato howl aan,

Cidna kaa dhaxlayn qabo,

NOLASHU MAXAY U MACAANTAHAY?

Dhammaan waxaan jecelnahay nolasha aan ku jirno, layaab
malahoo waan barannay, way macaantahay,way qurux santahay, waan ku nool nahay,waxaan dadaal ku bixinnaa inaan camirno, oon dhisno, oon qorxinno , si aan u raalli galinno nafteenna iyo waxyaabaha ay jamato,baahideedana la daaweeyo,midaas waxa keenay:

1-Waxaa la inaga abuuray camuud, oo qayb ka mid ah dhulkan ayaynnu nahay,ma filaayo ruuxna inuu nici karo xumnihiisa qaar ka mid ah haddusan wax u dhinayn oon miyirkiisu dhaawacmin.ILAAHAY ayaa quraankiisa ku sheegay xiriirka innga dhexeeya innaga iyo dhulkan aan ku noolnahay,BAL AAN isla eegno oon wada aqrino aayadahan tilmaamaya sida dhulku saldhig inoogu yahay khayraad badana loo goglay, la innoogu abuuray si aan ugu noolaanno mudada aan joogaynno:

{الَّذِي جَعَلَ لَكُمُ الْأَرْضَ مَهْدًا وَسَلَكَ لَكُمْ فِيهَا سُبُلًا وَأَنْزَلَ مِنَ السَّمَاءِ مَاءً فَأَخْرَجْنَا بِهِ أَزْوَاجًا مِنْ نَبَاتٍ شَتَّى (53) كُلُوا وَارْعَوْا أَنْعَامَكُمْ إِنَّ فِي ذَلِكَ لَآيَاتٍ لِأُولِي النُّهَى (54) مِنْهَا خَلَقْنَاكُمْ وَفِيهَا نُعِيدُكُمْ وَمِنْهَا نُخْرِجُكُمْ تَارَةً أُخْرَى(55) }

2- waxaan ugu dhagannahay dhulkan sabab ayuu leeyahay waxaa ka mid ah masuuliyo gaar ah ayaa inaga saaran, si aan ugu noolaanno, waa in aan ka shaqaynno wanaagiisa taaso u baahan shaqo badan inaan galinno, oo la' aanteed dhib culus aan la kulmaynno, midani waxay waajibisay tartan dhexdeenna yaalla oo mid waliba uu rabo inuu meesha u saraysa ka gaaro nolasha, waligiina uusan dhinacna u dhaafin adduunyadan,shaqadiisuna ay waarto, socoto, aysan marna is dhimin, marna baabi'in.

Nafteennu Waxay Rabto Waxaa Ka Mid ah?

1-inaan iska noolaanno oon aduunyada ku waarno

2-inaan xoolo badan helno intaan noolnahay.

3-inaan helno ammaan markhaati u ah shaqadeenna.
4- Inaan sharaf ku noolaanno aduunyada

5- Inaan aqoon iyo waayo aragnimo leenahay

6-inaan naxariis iyo janno helno markaan dhimanno

in ka mid ah ayaa qabsoomi in kalana way inagu adkaataa, inna waa la isu diiday oo marna laguma waaraayo dunidan oo geeri ayaa u danbayn ruux kasta oo ku dhasha. iyado sidaa ah oon la isku khilaafsanayn ayaa waxaan iswaydiinayna sidee ugu fiican oo loo noolaada, iyo sidee ugu fiican oo loo dhintaa loogana tagaa camal waaro oon

kula dhimanin?

Yaa Raba Inuu Ku Waaro Aduunyada?

Sida kali ah oon ugu waari karno aduunyada waa in aan shaqo sax ah oo la joogteeyo qabanno intaan noolnahay, midaasa ayaa na siinaysa inaan helno waxaan rabno waxa ugu fiican.

Shaqadeenna oon godanno waxay na siinaysa amaal marin aad xiiso uleh, oo maxay tahay ayaan iswaydiin karna? jawaabtu meel fog inagama jirto oo waa dariiqii anbiyada iyo inta toosan ay qaadeen, ku shaqeeyeen, ILAAHAYNA ka baryeen.

Nabi Ibraahiim ayaa ILAAHAY ka tuugay in loo joogteeyo shaqada u aduunka ka hayo, oo markuu dhinto dadku ay ku ammaanaan wuxuu qabtay, jeclaysteen, oy ku daydaan wanaagu ku beeray adduunyada, wuxuu ILAAHAY waydiistay camalkuu qabtay intuu nolaa inuu ajirkiisu waligii u socdo, dhinaca kalana janno uu ku galo, waa aduun camiran iyo aakhiro camiran oo is dhamaystiraysa, oo iska hor imaanaynin, isku dhacaynin.

Aan wada aqrino aayadahan qoraanka ah:
{رَبِّ هَبْ لِي حُكْمًا وَأَلْحِقْنِي بِالصَّالِحِينَ (83))

وَاجْعَلْ لِي لِسَانَ صِدْقٍ فِي الْآخِرِينَ (84) وَاجْعَلْنِي مِنْ وَرَثَةِ جَنَّةِ النَّعِيمِ (85

Waa faa'iido yaab leh, waa shaqo aan laga fariisanayn, lagana duqoobaynin,lagana daalaynin,lagaan iryi karin, waa wax aan lagaa dhaxli karin, Waxay ka dhigantahay adoo ku waari dunidan , oon ka dhimanaynin shaqadaada, wanaagaaguna uu tarmaayo, sii fidaayo, oo khayrkaagu dunida iftiiminaayo adoo ka maqan meeshaba oo booqeeda ku dhex jirin.

NABIGEENA SUUBAN AYAA WUXUU INAGULA DARDAARMAY XADIITH MACNIHIISU YAHAY: (HADDII QIYAAMADU KU TIMAADO MID IDINKA AH OO GACANTA KU HAYA LAAN HA BEERO) jiil walba wuxuu ka faa'iidaystay wuxuu qabtay kii ka horreeyay, jiilkii wax dhaxal gal ah ka tagi waaya wuxuu khasaare ku yahay adduunyada

Raad wanaagsan sii reeb, rugtan laguma waaree.

 

F.G: Waxaan qoraalkan ka soo xigtay degalka Dr. Cali Sheekh (http://dralishiekh.blogspot.ca/)